وأنا ع داوي فهمت.. ولا ما فهمتيش سير عند سيادك يفهموك فهمت... لا تبقاش ديرلينا دور الكلون عفاك أو ليدي فهمتي. أودّي خليني، راني ع داوي تا راه راس مالي ع هضرة. بحالك سبحان الله، أفولة أو تقسمت نصين: خدامين ع بالخيال.. والأحلام ونفيخ الكلام. هادو هما الفنانة... ولكن الفنانة كيونسو أو كيحيدو الهم والغم، وكيفرجوا ع العباد... الفنانة فها البلاد واخا ضايعين. خلاو شي حاجة للتاريخ، هم أو الأدباء والمفكرين ناس نقايا، أو كاين فيهم المسخين اللي داخلين جبهة.. انتهازيين كيتسناو الضربة... أو سيدي ربي كيخلص، تaساوات القضية البيراطاج كاد الطرحة... باقي لالبوم في الأستوديو تلاقاه غدا فدرب غلف، كيفاش الله أو علم... أنا ما كرهتش يولي البيراطاج فالمواد الغذائية.. الوزين يصنع الفروماج الغد إيولي فالسوق الباكية بثلاثة دراهم... القالب السكر بخمسة دراهم... بيراطي... وهلم جرا... كيفاش ما عرفت ما عندي غرض أنا ع داوي ... أو اللسان ما فيه عظم.. سبحان الله حويج كثيرة، كنتخيلوها كيف ما بغينا، بل كنآمنوا بها أو كتصبح اعتقاد راسخ ما يمكنش تمحيه ولو بالما القاطع نبداو من الأول. وخا هاذ الكلام ما غديش يعجبكم. المهم نكولوه حنا ع داوين ... أنا ع داوي... كيكوليك الاستعمار الفرنسي غزا البلاد، خربها، خصنا نتحرروا، شدينا الاستقلال..، بزغ فجر الاستقلال والحرية.. أو دابا خصنا ندوزوا للاستقلال الاقتصادي ... ليوطي. الجنزال جوان كيوم.. الخونة، المقاومة، الوطنيين.. المهم التاريخ فراسكم.. أيه الاستعمار خايب، المقاومة ضرورية، ما ختلافناش... أو ما غدينش نختالفو... الاستعمار خيب في أي زمان أو مكان ولكن... هاذ الاستعمار، هاذ فرنسا، إمتا دخلت.. أو كيفاش دخلت. واش عمركم سمعتوا مثلا فهاذ العصر اللي حنا فيه مثلا اثيوبيا احتلت النرويج، أولا موريطانيا احتلت أمريكا، أولا الصومال احتلت السويد...؟ أولا دجيبوتي احتلت اليابان.. ما يمكنش ! علاش؟ وأنا ع داوي.. جاوبو توما... حكا فرنسا بنت الحرام فقدت المغرب الهوية ديالو... 1912 ملي دخلت هاذ فرنسا أش كان المغرب؟ السيبة والحفا والكمل والقرآن كيتحفظ بالعصا والفلقة، أش لقات العلوم والفلسفة والفكر والمسرح والرياضة.. لقات عالقبايل والفلاحة واالسيبة والسريط... لا علم، لا قراية لا دراية. ع التخلف راكب على عاودو كيشالي آللا لا. هاذا ماشي مبرر.. وخا أل الفاهم. أشنو المبرر، اسمع أو السي وتلك الأيام نداولها بين الناس. الحضارة كدور، الصينية، الفرعونية، الإغريقية، اليونانية، العربية الإسلامية، الأوربية، الأمريكية. وهلما جرا... السبع ملي كيشرف كيلعبوا عليه القرودة... وتخيلوا معاي الصومال غاد تحتل أمريكا... كيف غادا دير.. فاش غدين يركبوا... باش غدين يقاتلوا بالمكاحل... أو كملوا من عندكم... غمضو عينيكم، يالله تخيلوا.. أو تخيلوا المريكان خلاوهم يدخلوا للبلاد... كيفاش غدين يتعاملوا مع الشوارع، مع الآلات مع البوطونات مع الإعلام. غدين يدخلوا ع السناكات أو المخبزات والبوتيكات ديال الحوايج أو السبير مارشيات... باش يشبعوا فكروشهم أو يلبسوا مساكن... ويفتشوا ع على الدفا... والغد يلقاو راسهم خدامين كيشطبو فالزناقي أو فرحانين مساكن ... أوهام كيعيشها الإنسان... كي خينا. كاليك، لو عثرت بغلة في العراق لخفت أن يسألني الله لم لم تصلح الطريق يا عمر... معجب بعمر... إو راه كار على كدو تقلب أو ماتوا 40 أولا ما عرفت ما عندنا غرض مشي ع بغلة أش درتي. مش انت آه اللي سبقوك. ماصوبوش الطريق... ماشي مشكل، ع ما تخيلش راسك عمر أو صافي... راه فرق كبير بين الحقيقة والوهم... حكا من غذا نبداو المحاسبة ما كاين ع المحاسبة... عا كالها اليوم الفلوس صبحت فسويسرا. يا الله حاسب آسيدنا عمر..
