_ سمعتي آخر الأخبار؟ _ لا, آش وقع؟ _ الحكومة _ مالها؟ عملت شي تسوية شاملة للمشاكل العالقة؟ _ والاٌ _ إيوا قلٌي شنٌو وقع _ وارا افتضٌها واحد _ أويلي؟ و شكون هاد المسخوط الواعر اللي عمل هاد الفعلة؟ _ ما عرفتيشي شكون؟ ما خمٌنتي والو؟ _ لا، و الله ما عرفت _ إيوا اللي افتضٌ هاد الحكومة هو نفسو اللي افتضٌ الحكومة السابقة _ على حتى الحكومة السابقة...؟ _ إيٌيه _ و شكون هو؟ _ اللي يدٌو فجيوبنا وصحتنا في يدٌو _ آ عرفتو لو شوشو ديال الزعيم _ الله يجيبك على خير، واراه بدٌل الفيسته _ كيفاش؟ ياك الزعيم من 2001 وهو كيدافع عليه؟ _ كيف كتسمع، هاد الشٌي عند لوشوشو فحال لعيب الكارطة. في 2001 لعب الزراوط وشطٌب على مالية التعاضدية كاملة وعملها ف جيبو، وبغا يشطب حتى على المناضلين الشرفاء ولكن ما قدرشي. وهاهو دابا بدل الورقة _ ولكن الزعيم غادي يكون خسر بزٌاف السمعة ديالو على هاد الحساب؟ _ آودٌي على هي غير السمعة ديالو اللي خسر، خلٌينا ساكتين احسن _ واش لاعب لوشوشو دابا؟ عنداك يكون لاعب شباظا؟ _ فحال الٌلي علمك الله _ ام م م وشباظا جديدة ومعتمدة وعندها خبراء في سباق الدراجات _ إيٌيه ، راك على بال والخبار ف راسك _ و لكن شباظا ضلعة من الحكومة، كيفاش وقع هاد الشٌي؟ _ ما عرفتيشي بأنٌ النخٌاسين الجدد عندهوم غير افرع؟ _ سمحلي أنا ما تبٌعتشي معاك، بغيتي تقول راهما بجوج بايعين؟ _ إيٌيه غير واحد بايع مبادئو ولاخور بايع عائلتو _ لا حول ولا قوة إلا بالله، لكن الزعيم شنٌو عمل؟ _ راه كيجمع داك الشٌي اللي شاط على لو شوشو، علاه النخاس شنو بغيتيه يعمل؟ راه كيوجٌد واحد شوشو آخر _ والحكومة؟ قلٌ لي بعدا، الحكومة شنٌو عملت؟ هنا وضعت خيارين ويمكن إضافة خيارات أخرى : 1_ الحكومة دابا عاملة لاسييست ( يعني القيلولة) حتى تفيق ونسوٌلوها، نتمنٌاو ما طٌاوٌلشي 2_ يقول تعالى في كتابه العزيز: « ولا تسألوا عن أشياء إن تبدَ لكم تسؤكم» صدق الله العظيم
