المعارك متواصلة فالسودان اليوم الاحد 7 ماي 2023 بين قوات الجيش بقيادة عبد الفتاح البرهان وقوات الدعم السريع بقيادة محمد حمدان دقلو حميدتي. هاد الحرب الداخلية مستامرة واخا تعلنات اكثر من مرة عن هدنة. فهاد الحرب الداخلية هي انعكاس لحرب مصالح الدول اللي لاعبة فهاد الملف. هاد الشي علاش الاتحاد الافريقي فاشل فاي وساطة. هاد الاتحاد فقد هاد الورقة باش علق عضوية السودان فالاتحاد ف2021 بعد انقلاب هاد العسكريين بجوج على حكم المدنيين. ديك الساعة كان البرهان وحميدتي حلفاء. اليوم كاين اجتماع وزراء خارجية العرب ولكن لعرب مقسمين على هاد الملف. شي يدعم هاد الطرف وشي يدعم الطرف الاخر. فهاد السياق الامل جا من السعودية. الرياض تحتاضن ممثلين عن الجيش والدعم السريع. طبعا بجوجهم ما عطاوش نيتهم وما التازموش بالهدنة اللي كان تعلن عليها. وكالات عالمية هدرات علي اشتباكات بين الدعم السريع والجيش فالخرطوم مبادرة السلام هادي جات من امريكا والسعودية. هدفها انهاء القتال اللي بدا هادي 3 سيمانات وتسببات فهلاك المئات من الاشخاص وفرار 100 الف سوداني خارج لبلاد السعودية ومريكان كيقلبو علي إيجاد مسار يوصل للسلام، ولكن المعنيين بالحرب قالو باللي غيناقشو غير هدنة انسانية وباللي غاديين يكملو الحرب. حميدتي اكد مشاركة جماعتو وشدد علي ان الهدف هو "فتح ممر آمن للمدنيين". ولكن فالحرب غادي يبقى يحارب حتي يقتل البرهان او يشدو البرهان هو رئيس مجلس السيادة الحاكم الذي تشكل بعد الإطاحة بالرئيس السابق عمر البشير عام 2019 وبعد انقلاب عسكري عام 2021، بينما يتولى حميدتي، وهو قائد ميليشيات سابق صنع اسمه في صراع دارفور، منصب نائب رئيس مجلس السيادة. البرهان قال باللي حميدتي كيوجد لخطط وطموحات وهادا هو السباب فهاد الحرب الغرب وحتى لعرب ظاهريا مع خطة الانتقال السياسي وتشكيل حكومة مدنية ولكن كيدعمو اما البرهان او حميدتي. هدا الملعب كاينة مصر والامارات وروسيا وامريكا والصين والسعودية واثيوبيا.....
