في أول خروج إعلامي لها، قالت هند شماش، زوجة عبد الصمد، أحد المتهمين الثلاث في تفجير أركانة الإرهابي ل28 أبريل الماضي، ل"كود" إنها متأكدة أن زوجها بريء وأن لا علاقة له بالتفجير ولا بالإرهاب. ورسمت هند في حوارها مع "كود" صورة مختلفة عن زوج متهم في تفجير إرهابي أودى بحياة 17 شخصا، غالبيتهم سياح، وقالت نهار سمع خبار التفجير ف"دوزيم" سمعتو بودني فالدار كيكول "وهاد الشي بزاف"، مضيفة أنه بدا متأثرا. وأوضحت الزوجة التي وضعت يوما قبل الحادث الإرهابي ولدا ذكرا ل"كود" أن زوجها رجل صالح رافقها يوم ولادتها "راجلي ولد الناس ومرضي وما يمكنش واحد بحالو مرضي وفرحان بزاف بولدو يدير شي حاجة، وراني متأكدة باللي ما دار والو"، مضيفة أنه "كان معاي فالصبيطار وما غبرش علي. نهار الثلاثاء شدني لوجع ومشى معاي لصبيطار محمد السادس بآسفي، ونهار لاربعا مع لطناش إلا ربع ولدت، كان معاي كيزورني جوج حتى لثلاثة المرات فالنهار". وأضافت أن "عبد الصمد رجع نهار لخميس جاب لي لفطور مع السبعة دالصباح وفنفس النهار خرجت من الصبيطار معاه".
وأقسمت هند أنها لم تر يوما عبد العالي (المتهم الرئيسي والذي قدم من قبل وزارة الداخلية كمنفذ لتفجير أركانة) وحكيم المتهم الثاني في التفجير)، ولم يسبق لهما أن زارا زوجها في البيت، بل الأكثر من ذلك، تضيف ل"كود"، لم تسمع عليهما من قبل.
وشددت الزوجة على أن زوجها المتهم في تفجير أركانة الإرهابي، لم يغادر ولو يوما واحدا المدينة في الأيام الاخيرة "راك كاين الصبيطار كان كيدخل ويخرج بزافت المرات، وقبل من داك الشي راه كان يوميا كيتغدى ويتعشى فدارو ومن نهار اللي تزوجنا (شهر غشت الماضي) وهو كيغبرش على دارو".
وتستغرب هند من كون الأجهزة الأمنية لم تزر بيته ولم تفتشه "كون كان داير شي حاجة كون جاو لدارو وقلبوها ولا مشاو للحانوت، هاد الشي كلو ما داروهش"، وتتذكر يوم اعتقاله "خرج يجيب لي الدجاج البلدي نهار لخميس 5 ماي 2011 وما رجعتش، بقينا كنتسناو حتى سمعناها فالتلفزة"، وتقول أنها ما كتعرفش فين كاين اليوم ولا حتى "واش عايش ولا ميت".
وأعادت ل"كود"، وصف زوجها ب"المتفتح بزاف والطيب اللي مهلي فيها" و"الطموح واللي كيتهلى فحالتو" وأضافت أنه كان كيخرجها لبرا وكان فرحان بحياتو الجديدة. كما وصفته ب"إنسان اجتماعي يهدر مع الناس ومرضي والديه، ماشي معقد، كنسافر معاه وما كيكولش لي آش نلبس"، مضيفة أنه "كيصلي بحالو بحال الناس". هند قالت إنها لا تريد حاليا سوى معرفة "فين كاين راجلها" وقالت "كلشي كيدعي معاه وكلشي مصدوم على اعتقالو"، خاتمة في حوارها مع "كود" "عندي ثقة فالله وما عمرو حشمني ومرضي مع كلشي ومهلي فالعائلة".
