نشرات صحيفة دي تليخراف، مؤخرا، تقرير عن الكسيدة ديال طوموبيل ف ملكية اللاعب الدولي المغربي، حكيم زياش، واللي من نوع رويس رولز، وكتبلغ قيمتها 600 ألف يورو. هاد الحادثة الغريبة وقعات الأحد الفايت بشارع ويليم شوتينسترات ف أمستردام. وعلى حساب ما قالت هاد الجريدة، نقلا عن شهود عيان، الكوايري المغربي هو اللي كان سايگ رولز رويس ديالو وقت الكسيدة ومشا بالزربة وبتكتم شديد من بلاصة الواقعة ودار كاسكيطة باش ما يشوفو حد. وقال أحد سكان الحي لصحيفة دي تليخراف "سمعت ضجة وعندما ذهبت للنظر رأيت زياش يهرب"، وأضاف: "كنعرف تقريبا ثلاثة شهود، قالو للبوليس إن السائق وصاحبو تبادلو البلايص بالزربة". وقال آخر "هرب شيفور الرويس رولز، وكان لابس بدلة رياضية رمادية".