أخيرا الملك محمد السادس غادي يستقبل السفير الفرنسي الجديد بالرباط، كريستوفر لوكورتيي، اليوم الثلاثاء 26 سبتمبر، وغادي يسلمو الدبلوماسي اوراقو، حسب ما علمته وكالة المغرب العربي للأنباء من مصادر موثوقة. وغادي يستقبل الملك، خلال هاد الاستقبال، سفراء آخرين مازال ماقدمو أوراق اعتمادهم لسيدنا حسب ما تقتضيه التقاليد الدبلوماسية. كريستوف لوكورتيي وصل إلى المغرب في نهاية عام 2022 فالبلاصة ديال هيلين لوگال. وفي 30 ديسمبر من نفس العام، قدم نسخ رمزية من أوراق اعتمادو لوزير الخارجية ناصر بوريطة. وملي تولى المنصب ديالو وه كالس كيدور فصباعو ومعارف مايدير بسباب الفتور والازمة اللي واقعة فالعلاقات بين المغرب وفرنسا. دابا اللي الملك غادي يستاقبلو، واش كتعني ان العلاقة بين المغرب وفرنسا غادي تحسن؟ واش غاترجع الامور كيف كانت؟ وواش العلاقة بين سيدنا وماكرون حتى هي غاتقاد؟ الوقت غايبين شنو غايوقع فهاد الحريرة. وللاشارة منصب سفير المغرب بفرنسا، باقي خاوي منذ أن أنهى محمد السادس مهام محمد بنشعبون نها 17 يناير 2023، وهو نفس يوم تصويت البرلمان الأوروبي على قرار معادي لبلادنا بادر ليه ودعمو جماعة التجديد، اللي كيتعتابر حزب إيمانويل ماكرون عمادها الأساسي.
