مات 11 واحد خدامين فمنجم ديال البلاتين قريب من مدينة جوهانسبورغ الجنوب إفريقية بعدما طاح بيهم لاسانسور. على حساب مقالت الصحافة المحلية، فهاد الخدامة مساكن كانو باغين يهبطو للمنجم وهو يطيح بيهم السانسور وماتو. ولحد الآن مزال ماعرفوش شنو السباب لي خلاه يطيح بيهم، والبوليس حلو التحقيق فالقضية. السانسور كان فيه 86 واحد، 11 منهم ماتو والباقي، للي هوم 75 واحد، تصابو وشي وحدين منهم فحالة خطيرة، الشي لي يقدر يرفع من عدد الضحايا.