علنات ولاية أيداهو الميريكانية الخميس، أنها فشلات للمرة الثامنة فأنها تطبق عقوبة الإعدام بالحقنة المميتة للحباس المدان بعقوبة الإعدام والسبب غريب بزاف. فواحد الندوة صحفية دارتها المديرية د السجون فهاد الولاية الميريكانية، قالت أن الأطباء مقدروش عاوتاني يلقاو العرق لي غادي يدوزو ليه منو داك الحقنة المميتة. قالو أن الأطباء لقاو واحد ولكن مبينش مزيان وخافو من أنهم يديرو ليه شي مشكلة خايبة ومتقضيش فيه البيكورا. هاد المتهم، هو أقدم واحد محكوم بالإعدام في ميريكان، وكان متهم بأنه قتل بزاف ديال الناس قبل هادي 25 عام.