قرر فيردر بريمن الألماني يعاقب اللاعب ديالو الغيني نابي كيتا، اللي خلا الفريق ورجع لدارو حيث عرف أنه ما لاعبش رسمي ضد باير ليفركوزن الاحد اللي فات فبطولة ألمانيا. وعاقبت إدارة فيردر بريمن نابي كيتا ووقفوه على اللاعب مع الفريق حتى يسالي هذا الموسم، وحسب قرار النادي الألماني فممنوع على اللاعب يدخل دابا حتى للفيستيير وعطاوه يخلص حتى لخطية، وهادشي وحسب إدارة بريمن، حيث كيتا ملي عرف راسو ما لاعبش ضد باير ليفركوزن ما بغاش يمشي مع الفريق للماتش وهز حوايجو ومشى بحالو لدارو. فيردر بريمن اعتبرو سلوك اللاعب نابي كيتا ما مقبولش وأنه خوا بالفريق اللي خسر مع باير ليفركوزن الاحد اللي فات فبطولة ألمانيا بنتيجة 5 لزيرو.
