قال بيان الديوان الملكي عقب اجتماع المجلس الوزاري يوم امس الخميس بفاس انه وتطبيقا لأحكام الفصل 49 من الدستور، وباقتراح من رئيس الحكومة، وبمبادرة من السيد وزير الداخلية، عين الملك ،عددا من الولاة والعمال. ولكن شكون هادو اللي غادي يعينهم الملك اليوم بالقصر الملكي بفاس؟ حسب مصادر "كود" فان التعيينات تهم 13 واليا وعاملا٬ "فيهم ما بين 3 و4 ولاة الجهة. اللي هو مؤكد هو تغيير ولاة مكناسوالقنيطرةوكلميم واللي فالشك هو والي فاس" يوضح مصدر "كود". ولاية جهة كلميم غادي يجي ليها بن ريباك اللي كان عامل فايفران. قبل منها كان باشا فالعيون ثم عامل فالنواصر وطنجة. العظمي جراو عليه على خلفية صراعه القوي مع بلفقيه رئيس المجلس البلدي لكلميم. ولاية جهة مكناس حتى هي شملها التغيير. الموساوي والي الجهة يمكن مرشح يدخل للحكومة لتعويض اوزين هو كان فالوزارة وحركي. حسب مصدر "كود" توقع ان يعوضها الادريسي. زينب العدوي والية جهة القنيطرة ما دوزاتش بزاف تماك. السيدة تحركات مزيان ولكن طلعوها تولي مفتشة في وزارة الداخلية. لحد الان لا يعرف اسم الوالي او الوالية الجديدة يمكن تكون خديجة بن الشويخ اللي تأكد تعيينها حسب مصدر ل"كود" مديرة الاكاديمية الجهوية للتربية والتكوين بالبيضاء دخلات للداخلية وتعينات ولكن مازال ما عرفناش واش والية ولا عاملة وعلمت "كود" ان المرزوقي عبد الخالق المدير الجهوي للجمارك بالبيضاء سيعين عاملا بطنجة انجرة. من بين العمالات التي ستشهد تغييرات اربع عمالات بالبيضاء بالاضافة الى عمالات بوجدور وطانطان وايفران وربما فاس
