سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
ضيعنا فرصة اخرى باش يتعلم ابجديات الديموقراطية: مريم بنصالح بحال زعماء كوريا الشمالية "تعين" باكثر من 98 بالمائة لولاية ثانية والمغرب هو الخاسر الاول =صور التمثيلية الديموقراطية=
اعادة انتخاب سيدة الاعمال مريم بنصالح شقرون على رأس الباطرونا لولاية ثانية اظهر اننا بعيدون كل البعد حتى على ابجديات الديموقراطية. السيدة نجحات بنتيجة كاينة غير مع الحسن الثاني وكوريا الشمالية: 98،47 اللي جاب هاد الكوبل البارح: بنصالح ومحمد طلال عندو شركة للنقل "لافوا اكسبريس". علاش خسرو فلوس على هاد الجمع العام العادي وجابو صناديق زجاجية على هاد لحساب كون غير عطاهم لشي جمعية محتاجاهم. الخطير فهاد النتيجة هو رسالة الباطرونا اي كل رجال الاعمال انهم ما باغينش الديموقراطية غير يرشحو ليهم واحد ولا وحدة وهما يصوتو. يعني ان هاد الناس اللي المفروض يكونو النخبة اللي كتدافع وتقاتل على الديموقراطية ما باغياهاش. ما كانش المنافس لبنصالح لان فعقلية كل واحد منهم هاديه راضي عليها القصر وما خاص حتى واحد يوقف قدام ولاية ثانية ديالها. تفكيرهم خطير حقاش ضيعنا مرة اخرى فرصة للنقاش حول الباطرونا حول برامج منافسة حول حدود السياسي في هذا العمل والكل يتذكر كيف وظفت بنصالح بداية حكومة بنكيران الباطرونا سياسيا. يمكن ان يكون دورها اكثر من الدفاع عن مصالح ارباب الشركات لكن شرط ان يسبق ذلك نقاش كبير وحتى تغيير "الستاتو" ديال الباطرونا. بنصالح يمكن تكون مرشحة تستحق ولاية ثانية ويمكن كتخدم مزيان ولكن الانتخابات كيفما دازت كيشكك فكلشي وقد يكون اول متضرر منها هي بنصالح علاش غير الباطرونا اللي تم فيها انتخابات بحال كوريا الشمالية؟ كلشي الانتخابات تقريبا اللي عرفها المغرب اخيرا كان فيها الندية والتنافسية واللي ربح داها بنسبة قليلة =انتخابات داخل الاتحاد الاشتراكي وحزب الاستقلال= انتخابات داخل نقابات وحتى هيئات مهنية بحال القضاة كانت المنافسة شديدة الا الباطرونا اللي شدو على القاعدة نقطة اخرى ستكون في غير صالح بنصالح صالح وهي استعانتها بباطرون من قطاع رفض الاصلاح وارتبط في تاريخه بالريع وهو النقل نائبا لها: الرسالة خايبة وهي ان الباطرونا كتموت على الريع والخطاب اللي كيروج حول اصلاحه وووو غير لخوا الخاوي
