"تويتر" بدا يولي فيه الزحام هاد الأيام. مصطفى البكوري لي دخل فقط يوم واحد قبل الحملة الانتخابية للعالم الأزرق لتويتر ندموه العفاريت المحترفين لي ساكنين فهاد الفضاء الافتراضي. السيد واخا جا ظريف ندموه، واحد خرج فيه فاص قاليه؛ غير ريح بالك اسي الباكوري راه ما كاينش لعيصوت على البام هنا.
واحد آخر خرانا بالضحك طار على البكوري وقاليه: تاهنا جيتو ليه فين غانهربو ليكوم فين ؟؟ أما آخر فكتب: تويتر هذا قرن و هو كاين دبا عاد بأن ليكم للتواصل ؟ معلقا على غياب السياسيين على هذا الفضاء وإقبالهم سويعات فقط قبل الانتخابات ما يكشف الانتهازية الكبيرة لهم تجاه الناخبين. أما واحد خونا فقال للأمين العام للپام مرحباً بك ضيف على السياسة و ضيف حتى ف تويتر. بلغة مبطنة أي أن البكوري عير حاطينو فالحزب وهادشي بان في تعليق آخر لي قال فيه واحد المتتبع: مازال كنتساءل شكون الأمين العام للبام واش نتا ولا العماري حيت بنتي لي غي خضرة فوق الطعام.
أما الوافد الجديد على تويتر ولي هو لي عليه ضايرة الهضرة فمالقا عير واحد جديد بحالو بي رحب بيه ولي هو صلاح الدين مزوار لي حتا هو عاد دخل لتويتر، رئيس التجمع الوطني للأحرار تساءل وقال للبكوري بالفرنسية: حتا نتا؟ زعما واش الأخ تا هو جديد.
أما سعد الدين العثماني رئيس المجلس الوطني للعدالة والتنمية ولي ناشط شي شوية فتويتر قال بلي حزب الأصالة والمعاصرة يفقد كل مرشحيه في جماعة محاميد الغزلان لصالح البيجيدي والحركة الشعبية، لكن أحد المغردين رد عليه وبحكمة:
السي العثماني لكن هذا سميتو "الترحال السياسي"؛ ظاهرة مؤسفة مع أنها لا زالت قانونية لكن يجب محاربتها و ليس الاحتفاء بها.
