سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
التقارب المثير بين "الاتحاد الاشتراكي" و"التجمع الوطني للاحرار" غير للضغط على بنكيران باش يتخلى على شباط وقيادي من البي جي دي ل"كود": غير يحلمو ما عمر بنكيران يتخلى على الاستقلال
نفى قيادي من التجمع الوطني ل"كود" ان يكون اللقاء الذي عقد هذا الاسبوع بين قيادة حزبه برئاسة عزيز اخنوش وقيادة الاتحاد الاشتراكي قد قرر التحالف القبلي للمشاركة في الحكومة. اي يشاركو بجوج ولا يكونو بجوج فالمعارضة. المصدر قال ان هاد الشي اللي تقال فالصحافة ما منوش. مصدر اخر اكد ل"كود" ان اللقاء همه الضغط على عبد الاله بنكيران المكلف بتشكيل الحكومة. كيفاش هاد الضغط "باش يبينو ليه ان حزبو رابح الى تحالف مع التجمع حقاش مع هاد الحزب الاتحاد الدستوري وينسق مع الاتحاد الاشتراكي. هاد المصدر بغى يكول باللي ضغط من التجمع على بنكيران لابعاد الاستقلال. غير نسى واحد القضية يرد مصدر من العدالة والتنمية "هاد الضغط ما عمرو يعطي نتيجة حقاش العدالة والتنمية ما عمرو يتخلى على حزب الاستقلال واخا يضيع رئاسة الحكومة. الاتفاق اتفاق". فهاد الفيلم كلو الاتحاد الاشتراكي هو الخاسر الاكبر. خسر الانتخابات الاخيرة خسر حليفو الاستقلال. بين باللي ماش هو سيد قرارو بخصوص المشاركة فالحكومة وولى كل نهار حاط رجل فبلاصة. تصطى وباغي يدير بزز واحد الوجه قديم اسمه لحبيب المالكي رئيسا لمجلس النواب.
