سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
=فيديو= بعد التصويت على المغرب. الفعفاع اللي سخسخاتو زوما: ش داه حتى يغني النشيد الوطني هو هاداك مثقال اللي عطاوه منصب كبير عليه اش داه كاع لاديس ابابا
بعد التصويت على قبول عودة المغرب الى الاتحاد الافريقي مساء اليوم باديس ابابا العاصمة الاثيوبية الوفد المغربي دار السينما امام الصحافة المغربية. كاليك نغني النشيد الوطني وشكون اللي غنى الفعفاع وزير الخارجية والتعاون غير صوريا صلاح الدين مزوار. هاد السيد اللي حيدو ليه السمطة والصباط فالمطار ففرنسا وهادي يومين سخسخاتو الرئيسة السابقة لمفوضية الاتحاد الافريقي الجنوب افريقية زوما٬ كان كيغني النشيد الوطني. دابا هاد مزوار اش دار؟ والو. وزير خارجية فالواجهة ما كيدير والو. ايلى لاحظو فالاخير ولى كيمشي هو وياسين المنصوري رئيس المخابرات الخارجية لادجيد. علاش ما بقى حد تايق فيه. حدا هاد الفعفاع كان محمد مثقال. باه جينرال وولد القصر ما قاري ما فاهم ما عارف. خدم مع الفعفاع قبل فوزارة المالية مستشار وجابو الفعفاع فالخارجية مكلف كاليك بالشؤون الاقتصادية. الريع فالريع وما فيدو ما عارفهاش باش منفوخة وعطاه الفعفاع مديرية التعاون الدولي بصفة سفير. حقاش بوه كان فالقصر وجينرال. هاد الجوج غير وجودهم كيقلب لمواجع على مغرب ضعيف ما عندو علاقة بالمغرب اللي ضارب باش يرجع الرباط للاتحاد الافريقي. اللي يستحق يغني النشيد الوطني حقاش خدم وعارف ملفاتو هو الوزير المنتدب فالخارجية ناصر بوريطة. هاداك يتسحق هاداك خدم وفزك التوني ماشي مشى يتصور بحال الفعفاع والفعفاع لاخر اللي مشى معاه
