سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
ها رد العدالة والتنمية السياسي على بيان الديوان الملكي: ماشي بنكيران مسؤول عن فشل المشاورات واللي غادي يختارو الملك خاصو هاد الشروط والحزب هو اللي عندو الكلمة الاولى
رد سياسي واعر بزاف دارو حزب العدالة والتنمية على بيان الديوان الملكي اللي كال باللي الملك محمد السادس حيد عبد الاله بنكيران من تكليف تشكيل الحكومة وغادي يعين شي حد اخر من الحزب. الرد جاء في بيان الحزب في فقرته الرابعة . شوفو اش جا فيها "بناء على ذلك تؤكد الأمانة العامة أن الأخ الأمين العام رئيس الحكومة لا يتحمل بأي وجه من الأوجه مسؤولية التأخر في تشيكلها. وأن المسؤولية عن ذلك ترجع إلى الاشتراطات المتلاحقة خلال المراحل المختلفة من المشاورات من قبل أطراف حزبية أخرى، مما جعل تشكيل حكومة تتوفر فيها مواصفات القوة والانسجام والفاعلية كما ورد في الخطاب الملكي لدكار متعذرا، وتعتبر أن مثل تلك الاشتراطات هي التي ستجعل تشكيلها – في حالة استمرارها-متعذرا أيا كان رئيس الحكومة المعين. وتجدد بالمناسبة تأكيدها على أن المشاورات القادمة وجب أن تراعي المقتضيات الدستورية والاختيار الديمقراطي والإرادة الشعبية المعبر عنها من خلال الانتخابات التشريعيةوأن تحظى الحكومة المنبثقة عنها بثقة ودعم جلالة الملك". اش بغاو يقولو. بنكيران ماشي هو المسؤول كيف جا فالبيان، ما شي هو السبب واللي غادي يتعين من الحزب خاصو يراعي ما يلي "المقتضيات الدستورية" "الاختيار الديموقراطي" "الارادة الشعبية" وتكون عندو "ثقة ودعم صاحب الجلالة". هادي غير زادوها. العبارات الاخرى قوية وواضحة. دابا اللي جا من البي جي دي راه بنكيران اللي غادي يحكم فيه. هو اللي غادي يحدد ليه كلشي. عادي لانه هو الامين العام للحزب. هو اللي عندو صلاحيات كثيرة فحزبو اكثر من رئيس الحكومة. مثلا. ايلى ما بغاوش الاتحاد الاشتراكي يدخل للحكومة؟ ما يدخلش وما يعتبهاش. حقاش واخا يوافق رئيس الحكومة المعين خاصو ضروري موقف الحزب وهادا كيتحكم فيه بنكيران. وباش تكون عندهم شرعية رسل كلشي لبرلمان الحزب اي المجلس الوطني اللي غادي ينعقد السبت المقبل. باش يكون هاد الشي عندو معنى. بنكيران شخصيا اللي قرا تصريح ماشي شي حد اخر بعد انتهاء الامانة العامة للحزب اليوم. ماشي هو اللي وقع البيان بل نائبه العمراني باش يقولو ليه حنا معاك. الناس لاعبين السياسة وطويل طويل بزاف
