كشف الممثل الميريكاني، جيك جيلينهال (Jake Gyllenhaal)، أنه قليل فاش كايتحمم أو يدوش، حيت كايعتقد أن هادشي كايخليه يكسب فوائد صحية. وزاد، فتصريحات لمجلة "فانيتي فير" (Vanity Fair)، أنه كيآمن بللي "عدم الاستحمام مفيد لصيانة البشرة، وأننا أصلا ننظف أنفسنا بشكل طبيعي". وكاتجي هاد التصريحات بعدما ولى الممثل وجه إعلاني لواحد الپارفان. وحتى الفنانين "أشتون كوتشر" ومراتو "ميلا كونيس" كشفو مؤخرا أنهم ماكايدوشوش لولادهم بشكل يومي، ونصحو الآباء باش يغسلو لولادهم غير فاش يلقاوهم توسخو وماشي كل نهار. وهاد النظرية فيها شوية من الصحة، بحيث كاين اللي كايقول أن الغسيل بزاف كايضر البشرة، وكايقضي على الباكتيريا النافعة، ولكن التطهير المعتدل كايمكن يحافظ على التوازن الصحي.