قرار إغلاق الأجواء المغربية في وجه السياح والمغاربة على حد سواء، يبدو أنه ماكيتعلقش بالجميع ولكن هو قرار انتقائي كيستهدف الطائرات اللي كتقدم تذاكر اقتصادية، أما الشركات اللي كتكري الطائرات الخاصة (جيت بريفي) وعدد مقاعدها بين 6 و 13، فيمكن ليها تخدم. هاد الكلام نقلاتو جريدة "إل باييس" الإسبانية، اللي قالت أن رجل أعمال إسباني قال ليهم بللي كان كيعتاقد باللي الطيران والرحلات الجوية للمغرب واقفة، وكان ضروري خاص يجي باش يدير البيلان ديال العام الخاص بالكونطابيليتي ديال أعمالو فالمغرب، ومن بعد غايعرف من رجال أعمال آخرين بللي كاينة وكالات أسفار كاتدير رحلات بريفي، كيكريوها لرجل الأعمال وهو يتكلف ببقية المسافرين معاه، وكتوصل البييي ل1500 اورو. الجريدة تاصلات بأجونص دوفواياج فالرباط، واللي قالت ليهم بللي فعلا كاينة رحلة نهار 26 يناير ب1550 أورو للبييي، وخبراتهوم بللي عندها 3 دالرحلات آخرين ولكن ديجا تريزيرڤاو. "إل باييس" قالت أيضا أنها اتاصلات بوزارة الخارجية المغربية باش تعرف أشنو هي المعايير اللي كيسمحو بها لهاد الناس وغيرهم ممنوع، فخبراتهم أن وزارة النقل هي اللي مكلفة بهادشي، وفوزارة النقل قالو باللي الحدود مسدودة!!. دائما حسب الجريدة الإسبانية. https://elpais.com/internacional/2022-01-19/volar-a-marruecos-si-pero-solo-en-jet-privado.html?ssm=whatsapp
