مرة أخرى، الفايك نيوز شعل مواقع التواصل الاجتماعي، بحيث تنشرات خبار كتقول بلي جمهور تيميتار رفع شعار اخنوش ارحل، تزامنا مع حضوره مع وزير الثقافة والشباب والتواصل المهدي بنسعيد. حسب ناس حضرو إلى جانب هاد الوفد، ومنهم صحافيين ومواطنين، لي وقع هو العكس، الجمهور تدافع باش يتصورو مع اخنوش. اضافة الى هادشي كاين فيديو عند "كود" ماشي مركب ولا تعاود ليه مونطاج، فيديو عفوي فيه ناس بغات تصور مع اخنوش لي هو رئيس بلدية أكادير. من غير هادشي، جولة صغيرة فأكادير وحديث مع التجار وصحاب الطاكسيات وعمال ومستخدمين، كولشي تيهضى على الثورة الاقتصادية لي كتعرف أكادير، إصلاحات كبيرة وكولشي. شهادات مواطنين خداتها "گود" لبارح بمناسبة افتتاح المهرجان، عجبهم الحال وفرحانين.
