كايواصل محمد بودريقة الرئيس الأسبق ديال الرجاء الرياضي، إثارة الجدل فالعلاقة ديالو بالرئيس الجديد ديال الفريق عزيز البدراوي. محمد بودريقة اللي حط الرئيس الحالي للرجاء فموقف محرج قبل أيام فقط، ملي كشف أنه دار مجهود كبير باش يوقع اللاعب ياسين البحيري فالفريق الأخضر، لكن المسؤولين ديال الرجاء طفاو عليه التيليفونات. وتقال ان عزيز البدراوي الرئيس الحالي للرجاء حيد صورة الملك محمد السادس مع الرجاء فالنهائي ديال مونديال الأندية 2013، واللي فيها بودريقة غير ضد فهاد الأخير، وهي نفس الصورة اللي عاود نشر بودريقة مؤخرا.. بودريقة خرج هاذ العشية وكأن شيئا لم يكن، وكان أول المهنئين للرئيس ديال الرجاء اللي صبح نائب ديال عبد السلام بالقشور رئيس العصبة الإحترافية لكرة القدم الوطنية، ونشر الصورة ديالو معه وتدوينة ففيسبوك قال فيها: "يتقدم محمد بودريقة عضو المكتب المديري للجامعة الملكية المغربية لكرة القدم بالتهاني عزيز البدراوي رئيس نادي الرجاء الرياضي على اثر تعيينه اليوم كنائب للرئيس للعصبة الاحترافية لكرة القدم". وبزاف كيشوفو هادشي كنوع من الطنز والساركازم، لان بودريقة كيبقى عضو جامعي اما البدراوي فران يالله نايب لرئيس العصبة.
