عبر رئيس الاتحاد البرازيلي لكرة القدم على السعادة ديال بالتواجد بالمغرب على هامش الماتش أميكال بين المنتخب المغربي والمنتخب البرازيلي السبت الجاي، وشكر المغاربة على الضيافة ديالهم. وقال إدنالدو رودريكيز رئيس الاتحاد البرازيلي فتصريح لقناة الرياضية: "كنتقاسمو نفس الشغف مع الجمهور المغربي اللي كيشبه الجمهور البرازيلي فالحب ديالو لكرة القدم، كنشكرو المغاربة على حسن الضيافة والاستقبال ديالهم وحنا كنحسو بريوسنا فبلاندنا وفدارنا". وبخصوص الماتش بين المغرب والبرازيل قال مول البالون بالبرازيل: "الماتش بين المنتخبين البرازيلي والمغربي غيكون حماسي وكل منتخب عندو طريقة د اللعب ديالو، والمنتخب المغربي منسجم وقوي وكيبحث ديما على الرباح وعندو جمهور كيساندو ولا يمل".
