علمت "كود" ان المدير العام لوكالة المغرب العربي للأنباء "لاماب" خليل الهاشمي الإدريسي، مات اليوم السبت بعد صراع مع المرض. Loading Ad 00:00 / 00:00 لخليل الهامشي تجربة كبيرة فالصحافة المكتوبة المغربية. دوز تجارب كثيرة قبل ما يوصل ويولي رئيس تحرير "ماروك ايبدو" ايام العز. بعدها كان دار "اوجوردوي لوماروك". اليومية الناطقة بالفرنسية اللي غادية ترفض راسها. غادر سفينتها وتعين مدير عام لوكالة المغرب العربي للانباء. بدل هاد الوكالة وطلق اوراش كثيرة. اذاعات وقناة ومجلة ويومية وخدمات مختلفة. خليل الهامشي مول الكتابة الراقية بالفرنسية مسكون بالصحافة المكتوبة. مجنون بيها. عاشق متيم بالكلمة. شاعر صدر دواوين ولكن بقى مهووس بالصحافة المكتوبة كان مدافع شرس على المهنة. سبق ترأس فيدرالية الناشرين المغاربة قبل ما تقسم. كان ديما مع الوحدة مع تطور المهنة. خليل الهاشمي دافع على مبادئو. نهار تعرضات تيل كيل للتضييق واخا ف"اوجوردي لوماروك" اللي ديما كيوصفوها مقربة من الدولة العميقة٬ دار افتتاحية بيضاء. دافع على حق المجلة ضد الظلم اللي تعرضات ليه. خليل الهاشمي كيقرا بزاف. معروف باناقتو وعشقو للفن وللحياة. اكتشف المرض اللي غفلو. ما خلاش ليه الوقت. مشى لباريس ورجع للمغرب من بعد تزاد عليه الحال وفارقنا.
