يضيق بيك الكاريان ديال بلاد المسلمين اللي تزادتي فيه و ما عمرك لحقتي فيه حتى الطواليط فحال بنو آدم و منين تدير خمسة و عشرين عام تسلف مليون سنتيم و تطلع للباطيرا في اتجاه أوربا و فيها غادي تجبر اللي يعدلك وريقات الإقامة و فيها غادين يخدموك و يخلصوا عليك الضمان الإجتماعي و تتمكن من التغطية الصحية في أجود السبيطارات و تستافذ من المساعدات الإجتماعية و فيها غادي تتمكن من السكن فدار فحال بنو آدم و تشري قزديرة تعفيك من الطوبيسات … من مور هادشي كامل غادي تربي لحية طويلة و تلبس قندورة و تبدا تسب في البلاد اللي رجعاتك إنسان و تبدا توصف الناس ديالا ب " الكفار " الذين يجب قتالهم !!! كاين شي كافر قدك يا وجه الويل !!