وفاة عشرين حراگ نواحي الداخلة كذوب.. "كود" جابت الحقيقة

Elouali.zaz.1987@gmail.com
تداولت مصادر إعلامية إسبانية مغالطات تتعلق بوفاة 20 مرشحا للهجرة غير الشرعية بالقرب من سواحل مدينة الداخلة، وذلك بعدما أمضوا 18 يوم فعرض البحر.
هادشي دارتو الصحافية الناشطة الإسبانية فمجال الهجرة هيلينا مالينا گارثون ونقلاتو وسائل الإعلام الإسبانية عنها وعن منظمة كاميناندو فرونتيراس، لي كيتعتابرو مصادر للإعلام الإسباني لي باغي أي حاجة تتعلق بالهجرة عندها علاقة بالمغرب باش يضغط على حكومة بيدرو سانشيث بسباب التحول فالموقف الإسباني من ملف الصحرا ويحاصرو بملف الهجرة ويروج لعدم تعاون المغرب فيما يخص الملف.
"گود" توصلات للمعطيات الحقيقية حول عملية الهجرة غير الشرعية لي كيهدر عليها الإعلام الإسباني، ولقات مغالطات كبيرة يتم الترويج ليها، بحيث أن الأمر يتعلق بتدخل للبحرية الملكية فسواحل الداخلة وتقديم يد العون لمهاجرين في حالة صعبة وبالضبط فالمياه ديال إقليم أوسرد، وهادشي البارح الخميس فالليل.
حسب مصادر "گود"، فإن القارب كان على متنو 148 مرشح للهجرة غير النظامية جايين من السنغال و راكبين في فلوكة ماشي من صنع مغربي ولا تستعمل فالمغرب ومعروف أن دول افريقيا جنوب الصحرا كتستعمل هاد النوع وساهل التعرف عليها بسبب حجم القارب الكبير.
بالإضافة لإنقاذ 148 مرشح للهجرة غير الشرعية، البحرية الملكية لقات جوج أشخاص فحالة وفاة، ليتم التعامل معاهم وتوجيههم نحو الدرك الملكي لي وفر لهاد المهاجرين العناية اللازمة وباشر الإجراءات القانونية المتعارف عليها فهاد الصدد.