ما شي غير رئيس الاتحاد الاسباني لكرة القدم لويس روبياليس بوحدو اللي ما بقاش مرغوب فالبقاء ديالو داخل مكونات كرة القدم الاسبانية بسبب فضيحة البوسة اللي عطى فالفينال د مونديال السيدات للاعبة الاسباني جيني هيرموسو، ولكن حتى مدرب منتخب اسبانيا للعيالات خورخي فيلدا، ولا قريب يمشي بحالو. وحسب شبكة bien sports، فالاتحاد الاسباني لكرة القدم كيتجه نحو الاستغناء عن مدرب منتخب السيدات خورخي فيلدا، وغيتم اتخاذ القرار النهائي حسب نفس المصدر، خلال جمع استثنائي الأسبوع الجاي لرؤساء الاتحادات، وقالو انهم غيصيفطوه بحالو بعد التوصل لاتفاق معه ويعطيوه 500 ألف يورو. وكيجي هذا المستجد باش يطرح علامات استفهام جديدة حول ان كان الاتحاد الاسباني لكرة القدم، باغي يصيفط المدرب خورخي فيلدا حيث حتى هو متهم بالتحرش الجنسي بعدما شداتو كاميرا ماتش فينال كاس العالم بين اسبانيا والنگليز وهو حاط يدو على صدر المساعدة ديالو بالطاقم التقني للمنتخب الاسباني.