علنات شركة العامودي الكويتية العملاقة أنها قررات تسد بزاف ديال الشركات والماركات العالمية لي واخدة حقوق تسويقهم في مصر، وتنقص من البوتيكات ديال شي وحدين. ومن بين أبرز الماركات لي غادي يشملهم هاد القرار كاين البوتيكات ديال H&M. البورط بارول ديال الشركة الكويتية قال إن هاد القرار جا بعد بزاف ديال المشاكل الاقتصادية والصعوبات لي كتلقاها الشركات الأجنبية في مصر من هادي 3 سنين. وقال كذلك، أن شي 5 ديال الماركات عالميين غادي يسدو نهائيا البيبان ديالهم ف مصر، وشي وحدين خرين غاد غير يقلصو من عدد لي بوتيك تما. هاد الأزمة تزادت بعد الحملات ديال المقاطعة لي داروها المصريين لبزاف ديال الماركات الميريكانية والعالمية بحال H&M بسباب الدعم ديالها للجيش الإسرائيلي في الحرب ديالو على غزة.