قررات محكمة الجنح الاستئنافية فمدينة الإسكندرية المصرية أنها تأيد الحكم على واحد الراقصة مصرية بسباب فيديوهات ديالها قالت انها فاضحة. وحكمات على الشطاحة بعامين ديال الحبس وغرامة مالية القدر ديالها ألف جينيه. الراقصة اللي معروفة بالراقصة حورية كانت دارت فيديوهات على يوتوب كتشطح فيهم وهو شي لي خلا البوليس تشدها بعد بزاف ديال الشكاوي لي تقدمو بيهم المصريين. والتهمة لي وجهاتها ليها النيابة العامة هي أنها تعدات على المبادئ والقيم الأسرية في المجتمع المصري باستخدم التكنولوجيات الحديثة. بلاد غارقة فالكلاخ، والتدعشيش وتقول مازالة عايشة فالقرون الوسطى، لا يعقل فالقرن الواحد والعشرين ندخلو الناس للخبس حيت تعراو او شطحو او غناو.