النصيري: رجلينا نخليوهم فالتيران على قبل المغاربة وغادي نمشيو نوجدو للربع

عبر الدولي المغربي يوسف النصيري على الفرحة ديالو بتأهل المنتخب الوطني المغربي إلى ربع نهائي كأس العالم قطر 2022، وأكد بلي غادي يمشي هو وصحابو فليكيب ناسيونال يوجدو للماتش الجاي.
وقال يوسف النصيري ملي سالا الماتش ديال المغرب ضد إسبانيا: "هاد الإحساس صعب يتوصف وكنشكر بزاف الجماهير المغربية اللي شجعتنا ومبروك على الشعب المغربي كامل اللي واقف معنا، وملي كنشوفوهم كيتفرجو فينا راه كندخلو للتيران نعطيو كاع اللي فجهدنا باش نحققو التأهل، وحنا فرحانين بالجمهور ديالنا اللي ما سكتش الماتش كامل، اللعابا كاملين خارجين من التيران شادين فرجليهم على قبلهم.
وأكد يوسف النصيري بلي دابا هو وصحابو غادي يركزو على الماتش الجاي: "غادي نمشيو باش نرجعو الطاقة ديالنا باش نوجدو الماتش ديال ربع النهائي".