الكعبي: كنشكر المغاربة حيث ديما واقفين معانا ومشجعين المنتخب وباغيين نفرحوهم بالرباح على الكوت ديفوار وليبيريا

عبر الدولي المغربي أيوب الكعبي على الشكر ديالو للجماهير المغربية حيث ديما كتشجع المنتخب المغربي، وأكد أنه هو وصحابو فليكيب ناسيونال غيلعبو ضد الكوت ديفوار وليبيريا باش يفرحو المغاربة.
وتحدث الكعبي فتصريح للموقع الرسمي د الجامعة الملكية المغربية لكرة القدم، وقال: "حنا غنوجدو لهاد 2 ماتشات بشكل كافي.. الماتش الأول أميكال فالأدغال الإفريقية وكلشي كيعرف كيف كيدوزو المتشات فالأدغال غنخدمو عليه مزيان ونتمناو نديرو فيه نتيجة إيجابية اللي تفرحنا وتفرح الجماهير المغربية اللي كتسنى منا الشي الكثير".
وكمل هداف البطولة اليونانية مع أولمبياكوس، وقال: "الماتش الثاني اللي رسمي وفبلادنا وقدام جمهورنا نتمناو نبانو فيه بشكل لائق ونفرحو المغاربة اللي كنشكروهم حيث معنا فالسراء والضراء وكنتمناو يبقاو يشجعو فينا ديما باش نحققو داكشي اللي بغينا وديما مغرب".