جا منتخب موريتانيا لمدينة اكادير باش يلعب ضد المنتخب الوطني المغربي الثلاثاء الجاي، فماتش اميكال فتيران ادرار داخل ضمن استعدادات المنتخبين للاستحقاقات المقبلة. ووصل منتخب موريتانيا مساء اليوم السبت لاكادير جاي لها من مدينة مراكش، اللي كانو لعبو فيها الموريتانيين ماتش أميكال ضد منتخب مالي فالتيران الكبير لمراكش وخسره بجوج لزيزو. وغيبداو المنتخبان بجوج المغربي والموريتاني يوجدو الماتش ديالهم الودي اللي غيبدا يوم الثلاثاء الجاي مع 10 الليل فتيران ادرار، بحصة تدريبية باش يحيدو لعيا ديال الماتشات اللي لعبو، حيث كانو لعبو الأسود البارح ضد أنكولا وربحوهم بجوج لزيرو والموريتانيين لعبو مع مالي وخسرو.