عبر الناخب الوطني وليد الركراكي على الإعجاب ديالو بلاعب لانس الفرنسي نايل العيناوي ولد أسطورة التنس المغربي يونس العناوي، ولكن أكد ان المشكل من عند اللاعب وماشي من ليكيب ناسيونال حيث عطاه شحال من فرصة باش يجي وما بغاش. وقال وليد الركراكي قبل ماتش المغرب وموريتانيا الودي: "ديما كيعجبوني الكوايرية الواعرين، ونايل العناوي واحد منهم، وهو لاعب ديال المستقبل ولكن دابا ما جاش حتى للمنتخب الأولمبي". وكمل الناخب الوطني: "النايل العناوي عطى الأسبقية للفريق ديالو، وكان غيكون معنا فكوب دافريك وخليناه لا يدير بلاصتو مع الكلوب ديالو، وفعاد السطاج بغا مازال الوقت ولكن خاص الواحد يكون واضح ويختار، والمشكل فيه هو، وهو اللي خاصكم تسولوه".