خاص. التلامذ اللي هربو من سلوفاكيا كانو موجدين لهاد السلتة الجماعية واليوم غيرجعو صحابهوم للمغرب وها شنو دار واحد فيهم قبل – تصويرة

هادي 3 أيام هربو تلامذ رياضيين، مشاو مع الجامعة الملكية للرياضة المدرسية ط، (هربوا) فسلوفاكيا. دارو سلتة جماعية وكلهم قاصرين، وفيهم بنت وحدة. هاد التلامذ كانو مشاو باش يشاركو فبطولة عالمية للعدو الريفي المدرسي.
وحسب المعلومات التي تتوفر عليها "كَود"، فإن من المؤكد بللي التلامذ المذكورين كانو موجدين لهاد العملية ديال الهروب الجماعي، وقالت مصادرنا بللي يتوقع أنهم مشاو للطاليان أو ربما وجهة أخرى قريبة.
وذكرت المصادر ل"كَود" أن واحد من هاد التلامذ اللي هربو كان نشر بوسط على صفحته بموقع التواصل الاجتماعي "أنستكَرام"، وفيها التصويرة ديالو مع الباسبور وراية إيطاليا وصورة أخرى حدا البحر.
وفالمقابل، صحابهم التلامذ الآخرين اللي مشاو يشاركو فهاد البطولة العالمية غادي يرجعو اليوم الجمعة للمغرب.
صدمة عايشها الوفد المغربي اللي متكون من 26 شخص، من بينهم رئيس الوفد المرافق للتلامذ. ولم تستبعد ومصادر "كَود" قالت بللي تقدر تكون العائلات ديال التلامذ اللي سلتو على علم فهادشي كلو من قبل.
وكان هؤلاء التلاميذ القاصرين قد قرروا الفرار من الفندق اللي نازلين فيه ومشاو طلعو فتران مع ال5 ديال الصباح وسمحو فالباسبورات ديالهم.
وهادسي كيبين، حسب مصادر "كَود"، أن كلشي كان مخطط له ومدروس من قبل.