كيكة منمرة مزينة بشبكة العنكبوت

اليوم جبت لكم مقادير و طريقة الكيكة اللي شاركت بها فالمسابقة دبال الاخت التازية
دبا ندوزو للطريقة و المقادير
كنضربو 4 بيضات مع كاس وربع سنيدة و نزيدو كاس زيت و نخلطو كلشي من بعد كنغربلو 3كؤوس دقيق مع 2 خميرة الحلوى و قبصة ملح و نبقاو ناوبو بين كاس الحليب و الدقيق حتى نسالبو الخليط دبالنا من بعد كنقسمو الخليط على 2 خليط نديرو فيه 2معلق كبار بودرة كاكاو و النصف الاخر نديرو فيه القليل من الفانيلا انا زدت ف خليط الفانيلا 2 معالق كبار دقيق باش ما يهبطش لنا خليط الي فيه الكاكاو حيت هو الاتقل .
فمول فيه ورق الطهي كنبقى ناوب بين خليط الكاكاو و خليط الفاني حتى نسالي الخليط.
الصور كتوضح احسن.
ندوزو دبا للتزيين
كندوب 200 غ شوكولا مع 200 غ قشدة طرية و كنصبوها فوق الخليط و هو سخون كندوب الفوندون و كندير دوائر بيه و كنجر بالسكبن و هو سخون وكناكد على هاد القضية حيت انا مصدقاتش ليا حيت كانت الشوكولا بردات و فالاخير اضطريت نخلط سكر كلاصي مع قليل من الماء و درت به شبكة العنكبوت و زينت الجواني يحبيبات الشوكولا.
و هاهي الصور كتوضح كلشي.
نتمنى تعجبكم و تجربوها و ماتنستونيش بشي دعيوات زوينات من القلب
و السلام عليكم ورحمة الله تعالى و بركاته