وكاسي باقي خاوي شحال« أنا » تمنَّى شحال« أنا »استنَّى كان السحر الخافي وَلا كنّا كنتْ شمعة تعرّيك كنت رماد نسترك – مخبّي جمرة كنا صورة على الورقة ظل حالنا … وما عرفنا واش كنّا ؟ كنّا سِر والكتبة جاسوس ما عرفنا واش كنا أو ما كنا ؟ ……… ……… مال لعناد جهة الضو ما قفزنا من ظلنا عرّانا الظلام وما بقى حد منّا عزّينا الخسران ومشينا منا تذاوبنا … في حضن المحال رحنا عتقنا السؤال من صمتنا واكتبنا بنا : راه غير احنا . ………. ………. تخيليني سؤال حشمان تخيليني حلمة مهرسة تخيليني إشاعة جافلة وما تتخيلينيش حاجبك بالشعا . نصلّيو تحت شلال النور نقراو في عينينا كلمة المرور الكلام مرعوش والخيال مقطع السلاسل لفعال يخدمونا والذاكرة تتسلطن مديت يدي – قرات ما خفى . ……… ……… الجذبة فكّت شعور الليل النور ما طفى … …….. …….. علاش ماء الروح احجبنا علاش من ظلنا ما صفى ؟ …….. …….. نقدر نتسلَّفني منك يقدر رضاك يسرّحني منك يوشمني في الريح تقدر تكون كتابتي عكاز وانا باغيها تكون سفينة – في لهبال تسيح ، نهربو بها … فينا كلما بناتنا سور « واقعي « نعاند ونطيح ، نتفتَّت في الما نشربْنا …. نسكر بِنا نكونو لصلاة العشق تراويح .
