كيبان بلي تألق الاطار الوطني الحسين عموتة مع منتخب الأردن اللي وصل معه لفينال كأس آسيا، غيحل باب جديد للكوايرية المغاربة باش يحتارفو فالبطولة الأردنية. وعلن نادي الوحدات الأردني وهو أكبر فريق كاين فالأردن، انه تعاقد مع اللاعب المغربي محسن الربجة، المدافع السابق لفريق اتحاد طنجة، واللي فايت لعب لاندية مغربية اخرى بحال المغرب الفاسي والدفاع الجديدي. ومن بعد تألق الحسين عموتة اللي قدر يكاليفي المنتخب الأردني لاول مرة فالتاريخ لفينال كاس آسيا، كيتوقعو متابعين الكورة العربية باش يولي التهافت على الكوايرية المغاربة مدربين او لاعبين من طرف الفرق العربية وخصوصًا من الأردن.