فاق الإيفواري إيفان نديكا لاعب روما بعدما طاح فالتيران ضد أودينيزي البارح الاحد، فالماتش بين الفريقين ضمن الدورة 32 من بطولة الطاليان، وما كملش الماتش بسبب الحادث. وخرجو روما ببلاغ مختصر كشفو فيه على الحالة الصحية ديال إيفان نديكا اللي طاح فالتيران ملي وصلت الدقيقة 69 من الماتش ضد أودينيزي غير بوحدو بلا ما يمسو شي حد، وقالو: "مشى النادي دار زيارة لنديكا فالسبيطار، والحالة الصحية ديالو كتحسن، والمورال عندو مزيان، وغيبقى فالسبيطار حتى يدير فحصوات اخرى". ومن المنتظر يتحدد موعد باش يكمل الماتش بين روما وأودينيزي، بعدما وقف الحكم المباراة فالدقيقة 77، بسبب حالة إيفان نديكا والنقل ديالو للسبيطار.