مؤتمر حزب الاستقلال ماشي عادي، حزب شاد توازن وسط الحكومة، ودابا كيتحدد مصيرو فالمؤتمر الوطني الثامن عشر اللي منظم فمدينة بوزنيقة. تيار ولد رشيد حاليا لاعب بخطة ذكية في المؤتمر الثامن عشر لحزب الاستقلال ،بحيت الاخبار الاتية من كوزينة الحزب تتقول ان ولد رشيد نيكوصا بفؤاد القادري باش ياخد رئاسة المؤتمر ،ولكن الحقيقة ان هذا القادري لاعب دور أرنب باش تيار ولد رشيد يحكم الكروة ولازون ويقتارح الأنصاري ولي محسوب تهو على ولد رشيد. وشهد مؤتمر حزب الاستقلال خلافات كبيرة بين تياري حمدي ولد الرشيد ونزار بركة مباشرة بعد انتهاء الجلسة الافتتاحية، على شكون يشد رئاسة المؤتمر، والسبب هو اعلان عبد الصمد قيوح ترشح ديال لمنصب رئاسة المؤتمر. دبا كاين بلوكاج ف المؤتمر، يلا متفكش ممكن يعرف الاستقلال مناوشات وحروب وملاكمات بالايادي ومدابزات بالكراسي. ولد الرشيد تدخل وممكن يتحل المشكل لي واقع. هاد المؤتمر الوطني الثامن عشر لحزب الاستقلال للي بدا عشية الجمعة فبوزنيقة، كيعيش على وقع "الهدوء اللي كيسبق العاصفة"، بحيث لا يزال الخلاف كبير بين جوج تيارات، تيار حمدي ولد الرشيد للي حاكم لازون ولكروا فالحزب وتيار فاس للي كيعيش على تركة وبلطجية شباط وشويا من الكفاءات للي جايات من عائلة علال الفاسي والديوري.
