قال طارق القباج عمدة مدينة اكادير ل"كود" ان وزير الشبيبة والرياضة انتقم من المدينة وحرمها من تنظيم دورة هذه السنة من الموندياليتو. العمدة قال ل"كود" "هاد الوزير خاصو يستاقل. الناس خدمو والدولة صرفات لملاير وكنا فاكادير واجدين ولكن بعد ما طرحوا عليه بعض المنتخبين من الجهة اسئلة على تصرفاته السنة الماضية اختار الرباط على اكادير". القباج قال ل"كود" ان "تأسفنا ان اكادير ما بقاتش مذكورة الموندياليتو ودابا هاد القرار خلى المغرب يولي شوهة عالمية على ما وقع فالمركب الرياضي مولاي عبد الله بالرباط". كما انتقد القباج قرار الغاء كأس افريقيا واستغرب من قرار غير مقنع "كالو ما بقاتش كأس افريقيا على حساب ايبولا وعلاش مازال لارام كتنقل رحلاتها من دول يتنشر فيها الوباء. هاد القرار غريب وعلى هاد الاساس وعلى اللي وقع فمولاي عبد الله خاص هاد الوزير يستاقل". بخصوص ما قيل عن طلب عمدة المدينة مبلغ مالي كبير للاستثمار في المدينة مقابل احتضان الموندياليتو في اكادير قال القباج "هاد الشي كذوب ما كاينش منو. حنا كنا جاهزين لهاد الدورة واول من استغرب لعدم برمجة المدينة". وكان محمد اوزين وزير الشبيبة والرياضة قال ل"كود" في تصريح سابق انه اختار الرباط كي يظهر للعالم ان المغرب يتوفر على ملاعب بمواصفات عالمية غير ملاعب مراكشواكادير، كما ذهب مصدر جامعي ل"كود" ان اختيار الرباط كان بهدف معرفة مدى استعداد الملعب لكأس افريقيا للامم التي كانت ستعقد قبل ان يطالب المغرب بتأجيها ليرفض الاتحاد الافريقي القرار وينقلها الى دولة اخرى
