غريب هاد الشي ديال "موازين" ديما مشاكل وفضايح. كيف بدا النهار اللول. انا المهرجان البيلدوزر واللي جا قدامي نطحنو. طبعا طحن عدد من المهرجانات حقاش خدا لفليسات كاملة اللي كانوا يحصلو عليها من شركات معروفة. دابا العام اللي فات وبعد الضعط الممارس سنة بعد سنة اظهر محمد منير الماجيدي مدير الكتابة الخاصة للملك باش يبعد من رئاسة مغرب الثقافات الجهة المنظمة للمهرجان. بعد ولكن دياولو وصحيفتو المقربة منو بقات بل ولات من المساندين الاعلاميين للمهرجان. مع متحكمين فكلشي تقريبا فهاد البلاد غير السعيد فين ما درتي تلقى اشهارات "موازين". خيرنا ما ديره غيرنا. الماجيدي عندو شركات ديال اللوحات الاشهارية وداير اشهار موازين وفيه داير اشهار اللي داوها واللي قراب منو. كون كان وضوح فهاد لبلاد ما يمكنش يفكرو شي نهار يديرو ديك الجريدة المشؤومة فشي اعلان ولكن كيعتقدو ان لبلاد ديالهم ديريو فيها ما بغاو. كنا كنتسناو الامور تتغير مع احيزون اللي شحال من مرة سباتو نفس الجريدة. اليوم اللي كيقدموه باللي باطرون ديالها وهاد الشي غير كيضحكو علينا٬ بقى خدام تحت امرة الرئيس الجديد لموازين "احيزون". هاد التفاصيل اللي كتبان صغيرة راها هي اللي كتوضح واش كاين شي تغيير مع الادارة الجديدة. نفهم ان هسبرس من بداية "موازين" حاضرة وحتى شي حاجة ديال مصر ولكن يديرو ديالهم راها فضيحة. كتشوه صورة المغرب وصورة ملك المغرب اللي كيداعيو يدافعو عليها وكترجعنا ايامات اللول
