الفيسبوك لا يزال يعرف ردود افعال متفاوتة في التحليل والمعالجة ديال داكشي لي وقع فتركيا زهاء يومين هادي نتيجة لغياب حدث أخر جدير بالاهتمام يطفو على السطح … او وتيرة الانقسامات بين معسكر العلمانيين والاسلاميين غادية وكتزيد تشعل.. خاصة بعد الخطوة التي قام بها خونا ارودغان ديال اعتقال موظفين في التربية والتعليم وقضاة وعساكر بواحد الشكل عشوائي فيما يلي هادي بعض من المناوشات والتدوينات للي اختارناها بفائق العناية: وائل عباس المدون المصري الشهير تسائل بنبرة من الغضب كعادته عبر صفحته : عزيزي الاخوانجي .. فرحنا لفشل الانقلاب في تركيا وتصدي الشعب له .. لكن بالتاكيد لن نفرح بتحول اردوغان الى سيسي ينكل بمعارضيه يابن الخول !!! يعني لو مرسي كان رجع كنتم عملتم فينا كده ؟؟؟ (هاد وائل عباس للاشارة را منذ يوم بروز نجمه في الويب وهو مسكين غي كيندب..ماحيلتو للاخونجية.. ما حيلتو للحاسين لكابا….شي نهار غيطرطقو ليه لمرارة مسكين ) مهم نرجعو لارض الوطن ونبداو مع عزيز الرباح من جديد لي قالبها صباط مع جريدة الصباح او واحد الجريدة الكترونية خرا على ود شي لعيبة كتبوها تفيد حسب ما بدا لسي لوزير انها مساندة للانقلاب وحقد اعمى منهم لكل ما يمت للاسلام بصلة…وقال بلا هما(زعما لباجدة) واقفين مع تركيا غي حيتاش المغرب عانى بزاف من بحال هاد الانقلابات والطعنات ،وحاسين بهم مساكن وصافي ، غا هو سي الرباح "ورفاقه" عاود ضاربين الطم على قضية الاعتقالات العشوائية لي بداها كبيرهم الذي علمهم السحر.. وللي علق حولها من جانب اخر بزااف ديال النشطاء والمدونون وكان من بينهم : البودكاستور محمود عبابو لي كتب ساخرا :بلا هاد عزل 15200 موظف في وزارة التربية على خلفية الانقلاب……..واقيلا غي على وداش كانوا غايقريو الدراري بلي أردوغان ماشي خليفة للمسلمين !!!! (وهذا احتمال ماشي مستبعد ..ويقدر يكون بغا يرد دوك الجوامع ديال لمسيد ويهني السوق ..حيت القراية بزاف عوتاني را خايبة..كتزيغ بنادم) وخونا "اردوغان" عندو فرص دابا لا تعوض،لتصفية الحسابات حيت دوك الانقلابين فيقو غير العمى لضريب الحجر وصافي وكيفما قال الناشط سفيان غيسلان: ، الى مهبطيش السروال للظلام ،(زعما الاسلاميين) غيهبطو لك.. وغيدير ليك تشي تشي من الفوق ( وبالاضافة لهادشي غيتناوبو عليك ولاد ديلكلب…وفينما كان شي منونخ غيبدا يتشفى فيك) وغيبداو يخرجو حتى دوك الخبراء للي كيعجبوهم بحال هاد الوجيبات ويبداو يقررو في لمصير ديالك او غتبان واحد لماركة خرا لي عبر ليها خالد الشرادي قائلا دابا "بنادم" أوميليطة مكيجيبهاشي مقادة فالمقلة …كيجي للفيسبوك يعطي النصائح للجيش التركي كيفاش كان خصو يدير الإنقيلاب… الله يقلب لمكم المصارن يا ولاد الضائعة …. (ورا ماكاين ما يدار .. بحال هاد الاحداث فين كيوليو طاغيين را كلشي كيبغي يعبر على الموقف ديالو باشما مايبانش "زي ثور الله في برسيمو") را حتى من صولا الجميل/ة بدورها را علقت على الواقعة قائلة…تفو خزيت… واش هاد اردوغان ماكيحشمش… ومن جهة اخرى ايضا الفقيه اللي كنتسناو بركتو المرتضى اعمراشى كتب بلا أردوغان تقاداو لو فتركيا ومصيفط للمغرب بغا شوية دالمعتقلين باش اجيب بيهم التعادل مع السيسي … (اسيدي نعطيوه الهيني ونزيدوه تا المهداوي…غير يعطينا التيساع ) وكما قال أيضا المؤثر الكسيكس حمزة امسلاك Erdogan a déjà compté jusqu'à l'infini. Deux fois.. (مهم بيني وبينكم هادشي ديال لفرنساوية صعيب شوي..ويني غالبا غيكون قال شي حاجة عميقة ) وفي خضم هاد العبث كاملو انتفضت استاذة الرقص حكيمة العروسي في تدوينة لها وقالت ما مفاده را خاصنا اعباد الله من باب اولى نحتفيوا باخر ما وصلنا له في قضية الصحراء، مالنا احنا اودي وومال تركيا ،هاد المغاربة اللي محيحين مع هادشي ديال الانقلاب جاوني بحال هاداك اللي خلا مو مريضة و مشا جلس حدا جارتهم حيت ضرها راسها اما في يخص صحاب لمؤامرة فمحمد فهيم كان له رأي جامع ومانع في هذا الصدد وكتب: خوتي العلمانيين مطيحوش عافاكوم ففخ نظرية المؤامرة واخا دعمو رأيكم بشي مقولات تتبقى نفس النتيجة. المؤامرات كاينين و كاين كذلك استغلال الفرص. السياسي الواعر هوا لي كيشوف الكارثة كفرصة ، فحال لي دار أردوغان باش استغل الإنقلاب الفاشل وجبد شي لوائح سوداء وبدا تيعزل فقضاة و عسكرين …الخ استغلال فرصة من حدث معين مكيعنيش بالضرورة أنه صانعوا .
