علمت "كود" ان رئيس الحكومة عبد الاله بنكيران وعزيز اخنوش وزير الفلاحة والصيد البحري رئيس التجمع الوطني للاحرار تكلمو مع بعضياتهم البارح الاثنين 6 فبراير 2016. حسب مصدر "كود" فان الاتصال ما كانش على الحكومة ولا على تشكيلها ولا على المفاوضات بل موضوع اخر يرجح ان يكون على الاتفاقية الفلاحية بين المغرب والاتحاد الاوربي وبيان الوزارة في الموضوع. حسب مصدر "كود" فان هذه المكالمة كانت مناسبة للحديث عن الحكومة. وفق مصدر "كود" فان الحكومة ما باينش ليها اثر. حقاش ما تقدماتش ما جابتش الجديد". وفق مصدر "كود" حتى موعد ما تم تحديدو مستقبلا من اجل استمرار المشاورات بين اخنوش وبنكيران. هاد الشي يعني ان الحكومة ما باين ليها اثر. زيارة مرتقبة لعزيز اخنوش الى افريقيا رفقة الملك محمد السادس في جولته لغانا وربما زامبيا والكوت ديفوار غادي يخلي هاد الحكومة صعيب تشكل قريبا هاد المكالمة جاءت بعد تصريح بنكيران نهاية الاسبوع بعد نهاية الامانة العامة لحزبه وقال "مع من غادي نتفاوض" وان "اخنوش ما تصلش بيه"٬ فيما رد رئيس التجمع الوطني للاحرار امس في تصريح ل"شوف تي في" قال فيه "خاص تزيد الحكومة للقدام ويلا بقات شي حاجة صغيرة خاصنا نرفعوها وراك كتعرف المعقول والوفاء ديالنا". واضاف "نحن مستعدون باش يكون بنكيران رئيس الحكومة ديالنا ونخدمو معاه ووحتى هوما مافيها باس يعطينا الظروف الملائمة باش نخدمو معاه"
