علن تنظيم "داعش" فبيان نشروه فمواقع التواصل الاجتماعي اليوم الإثنين، (علن) مسؤوليتو على الهجوم الإرهابي اللي تسبب فمقتل جوج من البوليس فمدينة "الخضيرة" شمال إسرائيل. وقالت مصالح الشرطة بللي "المسلحين عرب من مواطني إسرائيل وقدرو من بعد ضباط سريين يقتلوهم". هاد الضباط كانو كَالسين بالصدفة فريسطو قريب لمكان الهجوم. وجا هاد الحادث فالوقت اللي كتنظم فيه إسرائيل قمة تاريخية (قمة النقب) مع دول من المنطقة اللي دارت علاقات معاها زائد مصر ميريكان. بلادنا حاضرة حتى هي فهاد القمة. و صرح وزير خارجية إسرائيل، يائير لابيد، بللي نظراؤو فالاجتماع المذكور، استنكرو هاد الهجوم الإرهابي، فالوقت اللي حركة "حماس" اللي مسيطرة على غزة، عاجبها الحال وفرحات بهاد الاعتداء اللي وصفاتو ب"العملية البطولية".