حوالي 130 مليون سنتيم للصيانة الاعتيادية للمساحات الخضراء بالمحمدية والنتيجة تقارب ال:0 فاين الميزانية؟ الجزء 3/3 السبت 12 يناير 2013
ربع ساعة الفيديو يكون جاهز اي قبل الرابعة حوالي 130 مليون سنتيم وبالتحديد وكيف ماكتشوفو في سبورة جماعة المحمدية : " الصيانة الاعتيادية للمساحات الخضراء" د 1.294.200.00 مبلغ ضخم طبعا ، تفضل مجلسنا الموقر برصده "مشكورا" لاجل وكي ماقالو للصيانة الاعتيادية للمساحات الخضراء بالمحمدية ، اوا أ السادة المسؤولين على الصيانة ، الحدائق تاع المحمدية راها كتشكو الاهمال وضعف الصيانة ونقولوها بالواضح لازين لامجي بكري ..سؤال : فين هي 130 مليون سنتيم ؟ فين مشات ؟ تاحد ماتاهمكم ،لا لا و لكن وضحو وفسرو للمواطنين ياك ميزانيتها خارجا من مدة ، اوا فين العمل؟ فين المناطق الخضراء والحدائق الجميلة بمدينة "الزهور" فين؟ كيف ماشفتو فعدد كبير مما تسمى حدائق بالمحمدية واللي جرينا بشانها روبرطاج منها اللي خلا منها اللي اطلال منها اللي صبح غابة منها اللي ولا وكر للمتشردين او المدمنين والسكارى اذن تابعو معانا هاذ الروبرطاج الجديد وماتنساوش حوالي 130 مليون سنتيم ، شاهدوا جميع : اذن كنتواجدو بحديقة المصباحيات وهي اكبر الحدائق بالمحمدية حديقة لها ذكريات مع عدد من ساكنة المحمدية ايام عزها كي ما كيتقال تنجزات هاذ الحديقة بداية التسعينيات بشراكة بين بلدية المحمدية ومصلحة المياه والغابات اللي كانت هي صاحبة البقعة الارضية بكلفة اجمالية فاقت 900 مليون سنتيم وبمساحة تفوق 12 هكتار كانت بها فضاءات ألعاب للصغار والكبار ومقهى على اعلى مستوى وبئر لمياه السقي اذن فين هاذ شي داب واش ولات داب؟ اش نقولو : خربة لا اكثر من هذا اطلال اكثر من ذلك غابة لانعتقد يكونو الغابات بهاذ الشكل في الحقيقة مالقيتش ليها وصف. اول مادخلنا ليها مساء هاذ الجمعة 11 يناير وهو يوم عيد، لقينا الناس هنا طبعا ماعاجبهاش الحال كيحاولو يتنزهو لكن حدا الحيوانات حاشاكم الحمير الكلاب الفئران القطط ... اولاتفاجئنا بيها مصبوغة بالجير طبعا استغربنا ولكن فهمنا بسرعة البرق علاش هاذ الحديقة اولا مافيها مايتصبغ ولايليق للصباغة بتاتا ، صبغوها المعنيين هاذي شي 15 يوم يعني بعد اللاغ اللي درنا على كونا غ نديرو تحقيقات بشان الحدائق بالمحمدية ، وما كان على المسؤولين سوى التحرك وانقاذ مايمكن انقاده "عند بالهم" اش دارو اذن في اطار الرقم الخيالي المعلوم وكي ما قالو لي الزوار هنا ؟ اذن ضرب الجير لحيوط المتهالكة وبطريقة عشوائية شوفو في الصورة نقدر نقول الحماق والضحك على المواطنين عمركم شفتو جهة مسؤولة كتقوم بصباغة حيط مرحاض آيل للسقوط على اي حد يدفعو شوفو الشقوق الواضحة واصلا المراحيض ماخداماش ومافيهاش الماء يعني اشنو لبسالة والتسيب والعكر على الخنونة وغياب المحاسبة والمراقبة والتفليا في المسؤولية بالعلالي والله يدينا لللاخرة بلا ذنوب. شوفو المدخل تاع الحديقة اللي صوبو مؤخرا حديقة تفوق 12 هكتار هذا مدخلها بدون باب ولا بواب ..اذا اش بغاو يوصلو للمواطن هاذ المسؤولين بالمحمدية اش بغاو يقولو ليه : " راحنا دايرين خدمتنا اللي صوتو علينا بيها ولا ماعجبكمش الحال شربو البحر " نمرو لحديقة لاكولين الخراب والسيبا عنوانها لاكراسا زينين لاخضرا لاعساس لكم التعليق
