كاريكاتير : أحمد أشرقي بعد طول إنتظار وافق رئيس المجلس البلدي للناظور طارق يحيى، الإجابة عن الأسئلة التي وجهناها له، وذلك بعد إلحاح طويل وتدخل مجموعة من الأطراف التي أقنعته بإجراء هذا الحوار الذي تطرقنا فيه لعدة مواضيع مختلفة تهم عدة مجالات متعلقة بالأساس بالمدينة وتسيير المجلس البلدي. س: أزول أسي طارق على السلامة؟ يحيى: ديك أزول عاود باغي تجبد ليا الصداع ياك، أسيدي الله يسلمك س: فين كا تغبر هادي شحال ما درتي شي حوار؟ يحيى: ما غابر فين ديما موجود، غير أنتما الصحافة ما كنديرش معاكم، حيت فيكم شوية ديال لبسالة وكا تخرجوا عليا الإشاعات س: وخا أسيدي حنا باسلين وأنت شنو؟ يحيى: أنا طارق يحيى رئيس المجلس البلدي للناظور نعم أسيدي س: سعادة الرئيس بغينا نعرفوا أش العمل اللي قمت به على رأس البلدية؟ يحيى: نحن قمنا بالعديد من الأعمال والمشاريع المهمة للمدينة، وأنجزنا ما لم تتمكن المجالس الأخرى من إنجازه وهذا يعرفه المواطنون جميعا "مقاطعا" س: وا سي طارق وا سي طارق بشوية بشوية ما بغيناش لغة الخشب هدر معنا بلا زواق ج: وخا أسيدي بغيتو المعقول درنا المارشي ديال الببوش والحوت ودخلنا مداخيل كبرى للمدينة أش بغيتو كثر من هادشي س: درتو السوق فوق مساحة خضراء ج: هاديك ماشي مساحة خضراء هاديك مساحة كانت خاص بالشمكارة أنا درت فيكم الأجر رديتها سوق عصري س: علاش أسي طارق ما بغتيش ترشح الإنتخابات الجماعية المرة جاية؟ ج: أن عارف أش كا ندير وطولانطي، ما بغيتش نترشح البلدية ولا فيها غير صداع الراس أنا نمشي نقابل شغالي س: شغالك اللي في الميريكان ولا اللي في المغرب؟ ج: وأنت شغلك راه قلت ليكم باسيلن هاد الناس ديال الصحافة س: شكون غا دعم في الإنتخابات الجاية؟ ج: ما غا ندعم حتى شي واحد، غا نريح في الدار وغا نطفي الضوء ونشعل القنديل والفاهم يفهم واللي مكلخ ما عندي ما ندير به. س: هي راه معول تخلي الخلف ديالك من موراك؟ ج: وبنادم هو اللي يدير مسمار جحا فينما مشى س: وخا أسي جحا عفوا سي طارق، شنو هي الرسالة اللي تقدر تقول للناظوريين؟ ج: نقوليهم كوشي إروح كوشي إودار س: ما المقصود منها الرئيس؟ ج: المقصود باين وواضح أنه ملي غا يمشي طارق من البلدية الناظور غا تتودر، وغا نجي وندير دور سوبرمان المنقذ من جديد ملحوظة: هذا الحوار الهزلي هو حوار إفتراضي ولا يمت للواقع بصلة وأي تشابه بينه وبين الواقع فهو صدفة وشكرا
