الكل في هذه الايام يتسال عن محتوى المدونة الجديدة لمدونة السير خصوصا ان القوانين المعقدة لم تضح بعد ، لكن بعد اطلائع على بعض النصوص من هذه المدوينة التي شغلت عقل الكبير و الصغير نظرا للحيثيات التي سبقتها و الغريب في الامر ان احدا لم يثق بأني قرأتها، لاننا وبكل بساطة شعب لا يقرأ حتى المدوة القديمة * ملي حلينا عينينا وحنا تنتعلمو ليها ومازال ماتعلمنا واااااالو وعمر شي واحد فينا ما مشى قلب على المدونة يعني هادشي الي تنعرفوه على قانون السير مجرد اشياء تعودنا عليها حتى كانبغو ندوزو البيرمي عاد كانبداو نقلبو على لكود باش نحفظو ..المهم قلت بعد اضطلاعي على المدونة لقيت هديك القضية ديال النقط غريبة جاتني فشكآآآآآآآآل يعني اي مخالفة كتفقد نقط واقيلا هادا الي دار هاد المدونة محآآآآل واش عايش في المغرب لانو كون كان عايش معانا غادي يعرف معنا حرب الطرق..الواحد الا مادارش شي مخالفة ولا جوج في النهار مايتهناااش لكن الان مع القانون الجديد مع كل مخالفة تفقد نقط و عند فقدان السائق لمجموع النقط تسحب منه رخصة السياقة يعني من هنا ل 2014 حتى واحد ماغادي تبقى عندو الرخصة لان حنا سلوكاتنا كلها خاطئة تنعيبو على المدونة والعيب فينا حنا الكل ضد المدونة لان اصلا ثقافتنا الطرقية تميل الى اللانظام والفوضى نحن في الاصل لا نحترم قانون السير لا السائقون ولا الراجلون السائقون مثلا : لا يحترمون الاشارات الضوئية ولا اللافتات الا الردارات لانك هنا كاتجبد عليك النحل وفي بعض الاحيان يتجاهلون حتى صفارات شرطي المرور الي راسو تطبخ بالشمس نهار وما طال وهو واقف وهاز يديه بالاضافة الى السرعة مانهدروش عليها كما يسعى كل سائق الى تطبيق قاعدة الدخول بالقوة في الطريق لتستطيع المرور اما الكلاكسون فانا اكاد اجزم انه السبب الرئيسي في مرض السكري و الضغط و بوصفير وفقر الدم وgآآع الامراض الي كاتجي بالخلعة وحتى حالات الاجهاض وا والمشكل ان الكلاكسون هو بالنسبة للسائقين بحآآل Doliprane الا ماكلاكسوناش مايبردش عليه راسو أما الراجلون : حريرتنا حرييييرة مع حنا في الصراحة كانخافو مانحشمو غير كانحنيو راسنا ونقطعو ماكانشوفو لا يمينا لايسارا مانقدروش نتسناو 2 دقايق حتى تخوا الطريق دابا قاليك مع المدونة الجديدة الى مادزتيش من ممر الراجلين غادي تخلص غرامة ديال 25 درهم واش هو ماقادر يتسنى حتى 2 دقايق وبغيتيه يقلب ليك على ممر الراجلين وا دابا تخيلو معايا كل شارع مهما كان كبيرا نجد فيه 2 ممرات للراجلين واحد في اول الشارع والثاني في اااااااااااااخر الشاااااااااااااااااااارع طويييل ،، المهم خاصك تقلب على داك الممر حتى تلقاه عاد تقطع الشارع يعني اي واحد دابا بغا يخرج غيرالحانوت خاصو يمشي حتى لراس الشارع او يهز معاه 25 دردكش مع حنا تبارك الله كانتخلصو مزيااان وكل واحد فينا دايرين ليه والديه حساب بنكي يعني عاادي take it easy وتقبلو المدونة كيف ما هي وبين ليلة وضحاها غيرو سلوكياتكم حنا متافقين معا سي غلاب في المدونة الي جايبها من السويد ولا منعرف منين هاد السيد نسىآآآ انه هادوك الناس قبل مايطبقو ديك القوانين دارو دراسات معمقة على سلوكيات الشعب عاااد طبقوها ،، إيه حتى حنا بغينا قوانين صارمة الي تنظم استعمال الطرق لان في الحقيقة عييييييينا من الحوادث لكن في المقالب اقصد في المقابل خاصو يصاوب لينا الشوارع الي ولات دايرة بحال شي ملعب ديال الكولف و الى جاب الله جات كاع شي شتا - الانو مولات كتجي تهيا غار على هذ المنكر لي ولا فالبلاد- كتلقا راسك Gدام حفاري لابيسنات ها 2 متر ها 1.5 وزيد وزيد ..... وبغيناه يتواسط لينا مع وزارة الداخلية باش رجال الامن حتى هما يغيرو سلوكياتهم وحيدو ديك القاعدة ديال دير الوراق وسط لوراق و ارا الوراق وكثرث الشقافي بحال- البزنزا- ومافيها باس يتواسط لينا عند ياسمينة بادو باش ترفع من مستوى التطبيب الطريق هاديك ماتعرف شنو يخرج ليك منها .
