شقيق أبيضار يدافع عنها وعن نفسه بعد وصفه ب"الديوث"

بعد تشاطره صورة تجمعه بشقيقته الممثلة المثيرة للجدل، لبنى أبيضار، وهجوم عدد كبير من رواد مواقع التواصل الاجتماعي عليه وانتقاده، تشاطر حمزة أبيضار تدوينة فيسبوكية أكد من خلالها على تأييده لشقيقته وتشجيعه لها.
وقال "كنظن أن مجموعة من الناس نعتوني بالديوثي وكنشجع ختي على الدور ديالها بغيتكوم تعرفو بلي أنا بنسبة ليها أب وأخ وصديق والناس لكيهضرو على الدين فأول حاجة يحث عليها الإسلام هو التسامح" مضيفا "أنا كمغربي وكمسلم أكيد ضرني خاطري وتعذبت بحالي بحال جميع الأسرة الصغيرة ديالي إذن كنطلب من كل إنسان كيقول أنو مسلم وكيسب بكلام غير صالح أنا ماشي كيف ظنيتوني ونعتوني وكل واحد يحطني بلاصتو ولبنى أقسم بالله حتى إنسانة مزيانة وقلبها كبير والصورة لخديتو عليها راه مجرد دور مثلاتو وجسدت واقع مر كنعيشوه وكيعيشوه مجموعة تالفتيات الله يحسن عوانهم وليبغا يهضر فخوه المسلم يشوف جنابو ويدور براسو ويلا لقى 5% خالي من هاد الواقع المر فعليه يدعي لخوه بالتوبة مشي يتقاسم معاه النعلة" وختم تدوينته بالقول "لبنى راه ختي وعمري نفوتها حيت من دمي ورغم كل شيء هي أخت ديالي وأشكر كل من تفهم الوضع وعافكوم باراكا من النفاق راه حنا مسلمين ولي غلط نوبخوه ثم نسامحوه والله يغفر لينا ولجميع المسلمين".