الذكاء الاصطناعي بدا كيخلع البيت الأبيض.. الميريكان كيوجدو قانون باش يحميو الأمن القومي د بلادهم

بدا التطور الخطير ديال الذكاء الاصطناعي كيخلع البيت الأبيض الميريكاني، حيت إدارة الدفاع كتوجد دابا واحد مشروع قانون جديد باش تتصدى ليه وتأطرو.
على حساب ماقالت الصحافة الميريكانية، فهاد القانون الجديد الهدف ديالو لي معلن هو أنها تحمي المستهلكين والعمال والأقليات من المخاطر التكنولوجيا، ولكن الهدف المخبي كبير من داكشي.
الأمر كيتعلق، على حساب ماقالت نفس التقارير، بحماية الأمن القومي للبلاد، حيت دابا الرئيس جو بايدن بدا كيشوف أن هادشي كيشكل خطر على البلاد كلها.
وبدات الحكومة الميريكانية في هادشي من شحال هادي حيت كتفرض على الشركات بزاف د لاختبارات ديال محتويات تكنولوجية قبل ماتسمح ليها باش تطرحها في سوق التكنولوجية العالمي.