قالت تقارير إعلامية، أنه تم اختيار هيئة المحلفين، الاثنين الفايت، لمحاكمة تيري تورنر، أحد سكان مارتنديل واللي متهم بقتل مهاجر مغربي أعزل في أكتوبر 2021، حيث من المتوقع أن تكون المحاكمة بدات البارح الثلاثاء. الضحية المغربي سميتو عادل الدغوغي كان مقيم في مريكان من 2013 خدام موزع مع شركة ونهار الحادثة وقف بالطوموبيل ديالو حدا دار المتهم اللي جا عندو وشبع فيه سبان وطلق الرصاص عليه بعد الشكوك ديالو في كونه هاز معاه فردي. وأكد شقيق الضحية اللي خريج جامعة جونسون آند ويلز في رود آيلاند ف نيويورك، أن عادل إنسان داخل سوق راسو ولم يؤذي أحداً وكان سايگ طوموبيلتو راجع للدار ديالو في أوستن قبل ما يتلقى قرطاسة قاتلة. وحسب وثائق المحكمة، اتصل القاتل تورنر بخط طوارئ البوليس 911 وقال ليهم بالحرف: "قتلت شخص دابا"، وأضاف أن الضحية "صوب مسدسا نحوي وأطلقت النار". إلا أن المحققين ما لقاوش شي سلاح سواء بحوزة الضحية الدغوغي أو داخل الطوموبيلة ديالو. ووفق صحيفة ديلي بيست، علقت الشرطة بأن الجاني تيرنر كان متعاون مع البوليس ولم يتم اعتقاله على الفور، وتم تصنيفه كمشتبه به في جريمة قتل، وما تشد غير بعد مرور 11 يوم. ووجهت لائحة اتهام إلى تورنر (67 عاما) بارتكاب جريمة قتل من الدرجة الأولى في فبراير 2022.