عادل رمزي: بالتوفيق لسبورتينك الدار البيضاء فالفينال ضد صن داونز

تمنى عادل رمزي مدرب الوداد الرياضي التوفيق لسبورتينك الدار البيضاء النسوي، فالفينال ديال دوري أبطال إفريقيا للعيالات ضد ماميلودي صن داونز الجنوب إفريقي.
عادل رمزي مدرب الوداد اللي كان خسر الاحد الماضي فينال السوبر ليك الافريقي امام ماميلودي صن داونز، تفاعل مع تألق فريق سبورتينك الدار البيضاء النسوي ببلوغ نهائي دوري أبطال افريقيا للسيدات بالكوت ديفوار، ونشر سطوري فأنستكرام، تمنى لهم حظ موفق فالفينال اللي غيلعبوه مع عيالات صن داونز.
فريق ماميلودي صن داونز خارج فالكورة الافريقية هذه الايام، حيث فريق الرجال ديالهم ربحو الوداد الرياضي الاحد الماضي فنهائي السوبر ليك الافريقي، والعيالات ربحو فريق الجيش الملكي النسوي فدومي فينال شومبيونزليك، ودابا غيلعبو الفينال ضد سبورتينك الدار البيضاء.