اش هاد التخربيق؟. دواعش كيهددو امن الدولة وباغيين قطع الرقاب مكيسوقوش ليهم وهادو كيتشدو! مول أغنية "شر كبي أتاي" اللي طلعات فالطوندونس داروه تحت الحراسة النظرية

وكيل الملك لدى المحكمة الابتدائية بمدينة فاس، أمر اليوم الخميس، بوضع صاحب أغنية "شر كبي أتاي" تحت تدبير الحراسة النظرية، وذلك على خلفية البحث اللي تدار معه تحت إشراف النيابة العامة المختصة.
المشتبه فيه هو حاليا تحت الحراسة النظرية، حيث جرى الاستماع إليه من طرف عناصر المصلحة الولائية للشرطة القضائية بخصوص الأغنية اللي تتضمن عبارات تحريضية على التغرير بقاصرات.
شريك الموقوف تم استدعائه للمثول أمام المصلحة، غير أنه تخلف عن الحضور من أجل البحث معه، مشيرة إلى أن المشتبه فيه الموضوع في الحراسة النظرية ينتظر أن يحال بعد يوم غد الخميس على النيابة العامة المختصة.
السؤال دابا هو واش هاد خوتنا بهاد الاغنية كيضرو المجتمع وكيشكلو بصح تهديد؟ لدرجة يشدوهم البوليس ويديروهم تحت الحراسة النظرية. طبعا لا.
التهديد الحقيقي، هما الدواعش اللي منوضين الصدع وكيكهددو فالوزراء وفعباد الله بسباب المدونة. ها اللي كاتب انه الشريعة خاص تطبق، وها اللي باغي حرب اهلية، واخر قطع الرقاب.. هادو هما الخطر، هما الارهابيين اللي خاص المخزن يتحرك ويشد ويبحث معاهم، ماشي جوج مشرملين مافاهمينش حتى اش كيگولو..