أسرع ترقية: الحكومة عينات "صديق" بايتاس اللي كان موظف عادي لمدير مركزي ثم كاتبا عاما في أقل من 3 سنوات

البارح فالبرلمان، لا حديث سوى على تعيين شفيق ودغيري كاتبا عاما لوزارة العلاقات مع البرلمان.
Loading Ad
00:00
/
00:00
الكل يستغرب كيفاش لهاد الموظف للي تم توظيفو بالتعاقد في فريق التجمع الوطني للأحرار بمجلس المستشارين ف 2016، تمت تسوية وضعيته بإدماجه في إدارة المجلس، ومباشرة بعد ذلك، تم يعينه في المجلس الوطني للحزب، ثم في شبيبة الحزب.
موراها ودغيري اصبح مدير الحملة الانتخابية للحزب في انتخابات 2021، بعدها عينه الوزير مصطفى بايتاس مديرا للتشريع فوزارة العلاقات مع البرلمان في 2022، وبعد سنتين على ذلك تعين اليوم كاتبا عاما للوزارة.
بعض الموظفين وصفو هاد التعيين بأنه أسرع ترقية في العالم تستحق أن تدرج في أرقام غينيس القياسية العالمية.
وفي سياق آخر كاين اللي ربط هادشي بالتغييرات للي داير الأحرار فالبرلمان، خصوصا فاش تختار لحسن السعدي لرئاسة لجنة المالية فمجلس النواب، وهاد الشي خلق مفاجأة كبيرة وسط فريقي الأحرار بالبرلمان، خاصة وأن الأعيان والسكة القديمة فهمو منها أن رئيس الحزب عزيز أخنوش باغي تغيير وتشبيب الحزب.
من بين البرلمانيين لقدام للي مقلقين، رئيس الفريق فالنواب سابقا محمد غيات للي طيروه من رئاسة الفريق وأيضا رئيس الفريق فالمستشارين محمد البكوري للي ولا شبه متيقن بللي حتى هو غادي يطيروه فأكتوبر المقبل وللى كيآمن بالقولة للي كتقول: أكلت يوم أكل الثور الأبيض.
مصادر كتقول بللي جاية مفاجئات من هاد القبيل فالتعديل الحكومي المرتقب.